As árbores do Bayón

Seguimos con experiencias que teñen una temática que nos apasiona: a natureza. Este pasado venres os nenos e nenas de educación infantil participamos nunha actividade colectiva na que formaron parte todo o alumnado do colexio.

A nosa intención é repoboar os nosos espazos naturais con especies de árbores autóctonas para devolverlles esa fermosura que caracteriza os bosques galegos.

Cada neno/a trouxo das súas casas un anaco de botella que servirá como maceta ata que a semente xerme.

Colectivamente e, no caso dos pequenos, coa axuda dos seus compañeiros maiores, todo o alumnado do colexio cultivou unha semente  para conseguir máis de 350 semilleiros de castiñeiro e carballo.

Unha actividade estupenda para concienciar da importancia de coidar a natureza e ao mesmo tempo de relacionarnos co resto dos compañeiros/as do colexio.

SEGUE LENDO NA PRENSA

https://www.lavozdegalicia.es/noticia/barbanza/2017/11/18/alumnado-colegio-bayon-planto-semillas-futuro-bosqueel-alcalde-rianxo-reclama-arreglos-ambulatorio-taragonatrabajos-mantenimiento-autovia/0003_201711B18C4994.htm

https://loqueyotedigo.net/2017/11/18/ribeira-el-colegio-bayon-planta-la-semilla-para-su-futura-fraga/

 

 

 

Distinción PlurInfantil

Que contentos estamos coa NOSA ESTRELA!!!

A Consellería de Educación entregounos un emblema cunha estrela por formar parte do programa PlurInfantil.

SEGUE LENDO NA PRENSA

https://loqueyotedigo.net/2017/11/16/ribeira-el-colegio-bayon-se-convierte-en-el-primer-centro-de-la-comarca-en-recibir-la-distincion-plurinfantil/

 

Cultivamos Grelos e ceboletas

Os traballos nas Hortiñas do Bayón xa comezaron.

Nestas últimas semanas fóronse preparando tanto a Hortiña solete como a Hortiña sombriña; por quendas  o alumnado de cursos superiores foron limpando e removendo a terra para sementar produtos de outono-inverno.

Aos nenos/as de 5º e 6º de educación infantil tocounos cultivar semente de grelos na Hortiña sombriña. Alí puidemos ver como é a semente e como se procede a cultivala.

 

 

 

Aos máis pequenos tocoulles cultivar ceboletas ou tamén coñecido como cebollino na horta solete.

 

 

 

Festa de Halloween & Samaín

Despois de moito recompilar, xa están as fotos da festa de halloween/samaín que celebramos o pasado 31 de outubro.

 

A tarde dou para moito, xa que organizamos un desfile para lucir diante de todos os compañeiros/as os disfraces máis terroríficos que atopamos. Houbo de todo: pantasmas, bruxas, lobos, vampiros... E cada un máis orixinal.

 

Tamén tivemos tempo para mover o esqueleto ata que estivemos esgotados, con cancións e bailes típicos desta data. Incluso a teacher Bárbara e o teacher  Zack se animaron a vir bailar e cantar con nós

 

Tampouco nos esquecemos de decorar todo o colexio coas cabazas que trouxeron os nenos/as das súas casas. Cada ano son máis elaboradas e máis espectaculares. Noraboa!

 

Festa do Magosto

O pasado 31 de outubro, pola mañá, celebramos no colexio a festa do Magosto.

A mañá foi moi entretida xa que baixamos ata o patio dos maiores de primaria para lucir o bote que fixemos nas aulas. Alí vimos como os profes asaban as castañas para despois probalas mentres aínda estaban quentiñas.

Despois tivemos oportunidade para xogar a xogos relacionados co magosto.

Pasámolo en grande!!